أبوي

سمعتو بزول هو أساس البسمه
ونفس الزول الزرع الفرحه
وكان بسقيها بدم شريانو
لحد ماقامت وكانت سمحه
وكل الكون غطاهو حنان
وصبحو الناس بقلوب منشرحه َ
ده ابوي يوم طله
كشف الغمهََ
واده الفرحه لكل الامه
وكان هو النور الابهر وعم
وابوي ياناس قدر ما اسمي هو ما بتسمى
ابوي الروح وروح الروح
وريد ساكن قليبي دوام وبيهو ببوح
حن دفاق شوق و وداد
زول طيبان ووشو صبوح
وابوي فرحه غناء و ودوباي
قليب طيب زوق وحنان
وبالحنيه باني صروح
وابوي وطناََ سكنتو انا
وجوه ربوعو اتربيت
محال في يوم اسيبو اروح
وكيفن اقول كيفن اقول
وانت الفيك صعب القول
ومهما قلتا مابوفيك
ابوي يا غالي واجمل زول
وابوي زولا بشابه النيل
وراث الطيبه من ما قام
وديمه شهامتو ليهو دليل
ببدل بالحزن أفراح
وشامخ زي جبال توتيل
وابوي عزهََ وفاء وإخلاص،
ابوي بجد سوداني أصيل
زول رايق لطيف وحنين
َولو شفتوهو لم يطل
زي القمرهََ لم تبين
بضوي الدنيا بنورو
وبخفف ديمه نار البين
وابوي وابوي هادئ وطبعو رزين
ابوي وااااااحد وما ظنتيت في منو اتنين
و ابوي بهواهو حد الموت
ولا ببعد اسيبو في يوم وافكر افوت
وابوي ريداََ حروف من حب
واسم ساكن جواي منحوت
وابوي تاريخ حضارة ونيل
وفي وصفو كل كلماتي صابها سكوت