البلابل

بواسطة مجلة السودان
نشر اخر تحديث 190 مشاهدات

 

يا بلابل طال غيابك ونحنا مشتاقين سماعك
طلي واملي قلوبنا فرحه جوة في الأعماق مآبك

انتي لما رحلتي فتي سبتي دنية ريدنا غيمة
فاقده للبهجة وحزينه

قالو كل الناس فراقك خلي كل الدنيا شينه

ولما عدتي رجعتي تاني وصوتك الطربان شجاني
فرحتي بالجيه الاغاني
شوقنا أكبر من وجودكم عاجزه عن وصفه المعاني
بس ملامحه علي عيونا لما جات شايله التهاني
تهدي ليك الإبتسامة وحاضنه جواها الأماني

يابلابل لما جيتي قلنا ليك مر حب حبابك
لماعدتي بفيض حنينك فارده بالاشواق شراعك
رحبنا بيك و جينا بالافراح نبارك

يابلابل في غيابك فاقده ليك كل المسارح
بس صداكم كان مؤانس
تاني ما تمشي وتسافري نحنا مابنحمل فراقك

جد عزيزه علي قلوبنا ديمه لي شخصك نصاحب
جينا خاطر الالفه فينا وبي حنين الشوق نعاتبك

كيف تهاجري بدون صحابك

اطريبينا وغني لينا نحنا مشتاقين سماعك
انتي روحك طيبه حلوة القمر بالنور مشابهك
والورود كانت رفيقتك تعشق قعاده علي مجالسك
عشان تشوف البهجة فيكي والحنين ألفي مشاعرك
جيتي بالافراح وعدتي ونحنا منتظرين معادك

 

بقلم: هادية سليمان

ربما يعجبك أيضا

اترك تعليقا