خربشات ….برنامج جنة الاطفال

ذكريات لايام ليتها تعود …..

عندما كنت طفلا ……

ﻛﺎﻧﺖ ﺟﻨﺔ ﺍﻻﻃﻔﺎﻝ ﻣﻦ ﺃﺭﻭﻉ ﺍﻟﺒﺮﺍﻣﺞ ﺍﻟﺘﻲ ﻧﻨﺘﻈﺮﻫﺎ ﺑﻔﺎﺭﻕ ﺍﻟﺼﺒﺮ ﻭﻧﺤﺴﺐ ﺍﻻﻳﺎﻡ ﺣﺘﻰ ﻳﺄﺗﻲ ﻳﻮﻡ ﺍﻟﺠﻤﻌﺔ ﻭﻧﻘﻮﻡ ﺍﻟﺼﺒﺎﺡ ﺑﺎﻛﺮﺍ ﻟﻨﺸﺮﺏ ﺍﻟﺸﺎﻯ ﺟﻮﺍﺭ ﺍﻟﺮﺍﺩﻳﻮ ﻭﻧﻨﺘﻈﺮ ﺍﻟﺜﺎﻣﻨﻪ ﺻﺒﺎﺣﺎ ﺣﺘﻰ ﻧﺘﺎﺑﻊ ﺭﻛﻦ ﺍﻻﻃﻔﺎﻝ ﻭﺳﺎﻋﺘﻬﺎ ﻟﻦ ﺗﻔﻠﺢ ﻛﻞ ﺍﻻﺟﺎﻭﻳﺪ ﻓﻰ ﺍﻗﻨﺎﻋﻨﺎ ﺑﻤﺮﺳﺎﻝ ﻟﻠﺪﻛﺎﻥ ﻧﺠﻴﺐ ﺍﻟﺪﻗﻴﻖ ﻟﻘﺮﺍﺻﺔ ﻓﻄﻮﺭ ﺍﻟﺠﻤﻌﺔ ﻓﻨﺠﻠﺲ ﺍﻟﻘﺮﻓﺼﺎﺀ ﺍﻣﺎﻡ ﺍﻟﺮﺍﺩﻳﻮ ﺣﺘﻰ ﻳﺎﺗﻰ ﺍﻟﺒﺮﻧﺎﻣﺞ ﺍﻟﻤﺤﺒﺐ ﺭﻛﻦ ﺍﻻﻃﻔﺎﻝ ﻳﻘﺪﻣﻪ ﻋﻤﻜﻢ ﻣﺨﺘﺎﺭ ﻭﺍﺭﻭﻉ ﺍﻏﺎﻧﻰ ﺍﻻﻃﻔﺎﻝ
ﺷﻮﻓﻮﺍ ﺩﻧﻴﺘﻨﺎ ﺍﻟﺠﻤﻴﻠﻪ
ﻣﺎﻫﻰ ﺩﻧﻴﺘﻨﺎ ﺍﻟﺠﻤﻴﻠﻪ
ﺍﺭﺑﻌﺔ ﻓﺼﻮﻝ ﻓﻰ ﺍﻟﺴﻨﻪ
ﺗﻤﺮ ﻋﺒﺮ ﺍﻻﺯﻣﻨﻪ
ﺍﻟﺸﺘﺎﺀ ﻭﺍﻟﺼﻴﻒ ﻭﺭﺑﻴﻊ ﻭﺧﺮﻳﻒ
ﻣﺎﻫﻰ ﺩﻧﻴﺘﻨﺎ ﺍﻟﺠﻤﻴﻠﻪ
ﺍﻟﺸﻤﺲ ﻛﻞ ﻳﻮﻡ ﺑﺘﺸﺮﻕ
ﺍﺻﻠﻮ ﻣﺎ ﺍﺗﺎﺧﺮ ﺷﺮﻭﻗﺎ

ﺛﻢ ﻳﺎﺗﻰ ﺍﻟﺒﺮﻧﺎﻣﺞ ﻋﻠﻰ ﺍﻧﻐﺎﻡ ﺷﻌﺎﺭﻩ
ﺍﻟﻤﻤﻴﺰ
ﻛﻠﻨﺎ ﺗﺎﻣﻴﻦ ﻛﻠﻨﺎ ﺗﺎﻣﻴﻦ
ﻭﺍﻧﺸﺎﺀ ﺍﻟﻠﻪ ﻛﻤﺎﻥ ﺩﺍﻳﻤﺎ ﺳﺎﻟﻤﻴﻦ
ﻳﺎﺧﻮﺍﻧﺎ ﻧﺠﻴﻜﻢ ﻛﻞ ﻣﺮﻩ
ﺷﺎﻳﻠﻴﻦ ﺍﻓﺮﺍﺡ ﻓﻴﻬﺎ ﻣﺴﺮﻩ
ﻭﺯﻫﻮﺭ ﺭﻳﺤﺎﻥ ﻭﻓﻞ ﻭﻳﺎﺳﻤﻴﻦ
ﻳﺎﺟﻨﺔ ﺧﻼﺹ ﺍﺗﻠﻤﻴﻨﺎ
ﻭﺍﻻﺳﺮﺓ ﺍﻛﺘﻤﻠﺖ ﻓﻰ ﻣﻮﺩﺓ
ﻭﺍﻟﺪﻳﻨﺎ ﺍﻫﻠﻨﺎ ﻭﺍﺧﻮﺍﻧﺎ
ﺍﻟﻰ ﺍﻥ ﺗﻘﻮﻝ ﻛﺎﻧﺖ ﻟﺤﻈﺎﺕ ﻣﺎ ﺍﺣﻼﻫﺎ
ﻭﺣﻘﻴﻘﺔ ﻛﺎﻧﺖ ﻟﺤﻈﺎﺕ ﻣﺎ ﺍﺣﻼﻫﺎ ﺍﺩﻓﻊ ﻣﺎ ﺗﺒﻘﻰ ﻣﻦ ﻋﻤﺮﻯ ﻟﺘﻌﻮﺩ ﺟﻤﻌﻪ ﻭﺍﺣﺪﻩ ﻣﻦ ﺗﻠﻚ ﺍﻻﻳﺎﻡ ﻭﻣﻦ ﺍﻟﺸﺨﺼﻴﺎﺕ ﺍﻟﺘﻲ ﻟﻌﺒﺖ ﺍﺩﻭﺍﺭ ﺭﺋﻴﺴﻴﺔ ﻓﻲ ﺑﺮﻧﺎﻣﺞ ﺟﻨﺔ ﺍﻻﻃﻔﺎﻝ ﺍﻟﺠﺪ ﺷﻌﺒﺎﻥ ﺟﺤﺎ (ﺳﻠﻴﻤﺎﻥ ﺣﺴﻴﻦ ),ﺑﺮﻳﻘﻊ ,ﺍﻟﺴﻨﻴﻨﺔ ﺍﻟﺤﺠﺎﺝ ( ﺍﻻﺳﺘﺎﺫ ﺍﻟﻤﺮﺣﻮﻡ ﻋﺒﺪﺍﻟﻌﺰﻳﺰ ﻋﺒﺪﺍﻟﻠﻄﻴﻒ ) ﻋﻮﺽ ﺣﺎﺝ ﺣﺎﻣﺪ ( ﺍﻟﻔﻘﺮﺓ ﺍﻟﺪﻳﻨﻴﺔ ﻃﺮﻳﻖ ﺍﻟﻨﻮﺭ ) ﺍﻟﺜﻌﻠﺐ ﺍﻟﻤﻜﺎﺭ ﻭﺍﻟﺤﺎﻭﻱ ﻭﺍﻻﺭﺟﻮﺍﺯ ( ﺍﻻﺳﺘﺎﺫ ﺍﻟﻤﻤﺜﻞ ﻣﺘﻌﺪﺩ ﺍﻟﻤﻮﺍﻫﺐ ﻳﺤﻲ ﺷﺮﻳﻒ ﻋﻠﻰ ﻣﻨﻈﺎﺭ ﺍﺑﻮ ﺍﻻﻓﻜﺎﺭ ﻣﻊ ﻣﺤﻤﺪ ﺷﻬﻮﺍﻥ ﺍﻟﻜﺎﺭﻳﻜﺎﺗﻴﺮﺳﺖ ﺍﺩﻣﻮﻥ ﻣﻨﻴﺮ , ﻭﻓﻴﻠﻢ ﻛﺎﺭﺗﻮﻥ ﻭﺍﻟﻔﻘﺮﺓﺍﻟﻤﺤﺒﺒﺔ ﻟﻨﺎ ﺟﻤﻴﻌﺎ ﻓﻲ ﺫﻟﻚ ﺍﻟﻮﻗﺖ ﻭﻫﻲ ﺑﻌﻨﻮﺍﻥ ﻻﻳﺎﻋﺰﻭﺭ ﻛﺎﻧﺖ ﺗﺸﺪ ﺍﻟﺠﻤﻴﻊ ﻛﺒﺎﺭﻭﺻﻐﺎﺭ ﻭﻳﻨﺘﻈﺮﻭﻧﻬﺎ ﺑﻔﺎﺭﻕ ﺍﻟﺼﺒﺮ ﻭﻛﺎﻧﺖ ﺗﻨﺎﻗﺶ ﻣﻮﺍﺿﻴﻊ ﻫﺎﻣﻪ ﻳﺘﻢ ﺗﻮﺻﻴﻠﻬﺎ ﻟﻨﺎ ﺑﻄﺮﻳﻘﻪ ﺳﻠﺴﻪ ﻭﻣﻤﺘﻌﻪ ﺗﺮﻱ ﺍﻳﻦ ﻫﻢ ﺍﻻﻥ ﻋﺰﻭﺯ ﺍﻻﻥ ﻫﻮ ﺍﻟﺪﻛﺘﻮﺭ ﻋﺒﺪﺍﻟﺒﺎﺳﻂ ﺳﻴﺪﺍﺣﻤﺪ ﺗﺨﺼﺺ ﺑﺒﺮﻳﻄﺎﻧﻴﺎ ﻭﻋﻤﻞ ﺑﺠﺎﻣﻌﺔ ﺍﻟﺨﺮﻃﻮﻡ ﻭﺍﻻﻥ ﺍﺳﺘﺸﺎﺭﻯ ﻃﺐ ﺍﻻﻃﻔﺎﻝ ﺑﻤﺴﺘﺸﻔﻰ ﺳﻮﺑﺎ ﺍﻟﺠﺎﻣﻌﻰ ﻣﺎﻣﺎ ﻋﺸﺔ ﻭﻣﻦ ﺍﻻﻧﺎﺷﻴﺪ ﺍﻟﻤﻌﺒﺮﻩ ﻓﻰ ﺫﻟﻚ ﺍﻟﺰﻣﺎﻥ ﻧﺸﻴﺪ ﻻﻻ ﻳﺎ قرﻭﻳﺔ ﻭﻫﻮ ﻣﻦ ﻛﻠﻤﺎﺕ ﻋﻤﺮ ﺍﻟﻀﻮ ﻣﻦ ﺗﻮﺗﻰ
ﻻ ﻻ ﺍﻟﻠﻴﻠﺔ ﻳﺎﻗﺮﻭﻳﺔ
ﺍﻧﺖ ﻳﺎﻗﺮﻭﻳﺔ ﻳﺎ ﺍﻟﺴﻤﻨﺘﻚ ﺑﻠﺪﻳﺔ
ﻃﻮﺭﻳﺘﻚ ﺍﻟﻤﻠﻮﻳﺔ .. ﺯﺭﺍﻋﺘﻚ ﺍﻟﻤﻄﺮﻳﺔ
ﻭﺑﻴﻦ ﺑﻨﺎﺕ ﺍﻟﻨﺎﺱ ﺍﻧﺖ ﺑﺲ ﺣﻮﺭﻳّﻴّﺔ
ﻳﺎ ﺍﻟﻠﻪ ﻣﺘﻴﻦ ﺍﺷﻮﻑ ﺍﻟﺨﺮﻃﻮﻡ
ﻭﻗﺎﻟﻮﺍ ﻟﻲ ﻓﻲ ﺍﻟﺨﺮﻃﻮﻡ ﺍﻟﺒﺖ
ﺑﺘﻤﺸﻲ ﻟﻠﻜﻮﻓﻴﺮ
ﻳﺎ ﺍﻟﻠﻪ ﻣﺘﻴﻦ ﺍﺷﻮﻑ ﺍﻟﻜﻮﻓﻴﺮ
ﻻ ﻻ ﺍﻟﻠﻴﻠﺔ ﻳﺎﻗﺮﻭﻳﺔ
ﺍﻧﺖ ﻳﺎﻗﺮﻭﻳﺔ ﻣﺎ ﺗﻐﺮﻙ ﺍﻟﻤﺪﻧﻴﺔ
ﺇﻧﺖ ﻣﺎ ﻣﻨﺴﻴﺔ ﻭﺍﻟﻠﻪ ﺍﻧﺖ ﻏﻨﻴﺔ
ﺑﺰﺭﺍﻋﺘﻚ ﺍﻟﻤﻄﺮﻳﺔ ﻭﺑﻬﺎﻳﻤﻚ ﺍﻟﻤﺴﻘﻴﺔ
ﺃﺣﻴﻲ ﻣﺘﻴﻦ ﺍﺷﻮﻑ ﺍﻟﺨﺮﻃﻮﻡ
ﻳﺎ ﺭﺑﻲ ﻣﺘﻴﻦ ﺍﺷﻮﻑ ﺍﻟﺨﺮﻃﻮﻡ
ﻗﺎﻟﻮﺍ ﻟﻰ ﻓﻲ ﺍﻟﺨﺮﻃﻮﻡ ﺟﻨﻴﻨﺔ ﺍﻟﺒﻠﺪﻳﺔ
ﻭﻗﺎﻟﻮﺍ ﻟﻲ ﻓﻲ ﺍﻟﺨﺮﻃﻮﻡ ﺍﻟﻔُﺴﺤﺔ
ﺑﺎﻟﻌﺮﺑﻴﺔ
ﻳﺎ ﺭﺑﻲ ﻣﺘﻴﻦ ﺍﺷﻮﻑ ﺍﻟﺨﺮﻃﻮﻡ
ﻗﺎﻟﻮ ﻟﻰ ﻓﻰ ﺍﻟﺨﺮﻃﻮﻡ ﺍﻟﺒﺖ ﺑﺘﺨﺘﺎﺭ
ﻋﺮﻳﺴﻪ
ﻭﻛﻤﺎﻥ ﻛﺎﻥ ﺩﺍﺭﺕ ﺍﻟﺪﺑﻠﻪ ﺗﻤﺸﻰ ﺗﻘﻴﺴﻪ
ﺍﻟﺘﺤﻴﺔ ﻟﻜﻞ ﻣﻦ ﺳﺎﻫﻢ ﻓﻰ ﻫﺬﺍ ﺍﻟﺒﺮﻧﺎﻣﺞ
ﻣﻦ ﺍﻻﺳﺎﺗﺬﻩ ﻭﺍﻟﻤﻌﻠﻤﻴﻦ ﻭﺍﻟﻤﺮﺑﻴﻴﻦ ﺍﻟﺬﻳﻦ
ﻧﺬﺭﻭﺍ ﺣﻴﺎﺗﻬﻢ ﻟﻨﺸﺮ ﺭﺳﺎﻟﺔ ﺍﻣﻨﻮﺍ ﺑﻬﺎ
ﻭﻋﻤﻠﻮﺍ ﻣﻦ ﺍﺟﻠﻬﺎ ﻣﻨﻬﻢ ﻣﻦ ﻗﻀﻰ ﻧﺤﺒﻪ
ﺣﺘﻰ ﺍﺧﺮ ﺍﻳﺎﻡ ﺣﻴﺎﺗﻪ ﻭﻣﻨﻬﻢ ﻣﻦ ﻧﺘﻤﻨﻰ ﻟﻪ
ﺍﻟﺼﺤﻪ ﻭﺍﻟﻌﺎﻓﻴﺔ.
.
.
.
.

الا ليت الزمان يعود يوما

Digiprove sealCopyright secured by Digiprove © 2020 Ashraf Eltom

ربما يعجبك أيضا

اترك تعليقا