الرئيسية الأدب تاني أضحك

تاني أضحك

بواسطة هيام الأسد
122 views
شارك اصدقائك
  •  
  •  
  •  
  •  
  •  
  •  
  •  

ياخي ٲضحك..
نحنا لاقيين ضحكتك وين؟!
ضاجه بالفرح المُعافَي..
بالسماحه دي فايحه ياسمين..
فاجه ظلمات المخافه..


آمنه زي حضن المساكين..
عامرة بالود واللطافه..
طفلة يا دوووب بي ضفيرتين..
زاخره زي أرضي وضفافا..
فينا تتفتّح بساتين..
ماهلة تختصر المسافه..
بينا تفتح باب وبابين..
عادله كل ال مره شافا..
ليهو اتقلبت موازيين..
فجاة بقت..
فيني ركت..
فوق غصون المعني بيتين..
من قصيدة تفيض رهافه..
فيها بتباروا المحبين..
فيني شبت نار شرافه..
سطرت في لوحي( يس)..
بددت عندي الخرافه..
واصبحت للشك يقين…
ضحكه
مرهق
اكتشافا
شايله
الاآاااااااف
المضامين..

تاني أضحك..
نحنا لاقيين ضحكتك وين؟!!

هيام_الأسد

Digiprove sealCopyright secured by Digiprove © 2021 Ashraf Eltom

ربما يعجبك أيضا

اترك تعليقا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. أقبل أقرا المزيد...