ظروف
جانا” الصباح طالع
واليوم هو زي كل يوم
” كل زولا بكوس” رزقو”
في المبسوط” وفي المهموم
في الرايق” وعندو” قروش
فات السوق وجاب” لي هدوم!
وفي البجهز” وداير” يطلع
ماشي بعيد عشان معزوم!”
في البقرأ” ويومو” طويل
طاردنو و عليهو رسوم! ”
في الشغال” وداير يصل
” وعقلو، كمان كتير ملخوم”
في البعشق” وقلبو” بريد
مره بحن” ومره يلوم !
وفي المخدوع” وغاشنو
وفي جواهو” سر مكتوم!
في المسكين وكايس القوت
كل اليوم بلف ويحوم!
وحكمه ربنا الخالق
في ناس جواها” مامفهوم”؟؟؟؟؟
ورغم الاختلاف” هذا
دي حاجات دنيا مابتدوم!
في راكوبه وسعن” مربوط”
وزول باسم” برغم الهم
من جواهو” كتير مبسوط”!
حمار” اغبش” وحبه” قش”
وناس حاشاها، مابتجوط”!
وعمي الزين جد عادي
زول مكفوف!
” ورغم” قساوه، الايام
من جواهو” شايل الخوف!
بفتش” للقمة” العيش
وكل زولا عندو ظروف!
وشوف العين” صبح مافي
لكن الضمير” بيشوف!
ماهاميهو” سعر السوق”
ولا اغراهو، يوم دولار
ضاحك” والفرح جواهو”
وحافظ لحقوق الجار
عايش وديمه” بس صابر
راضي” اكيد هو بالاقدار
عارف الدنيا دوراه”” واصلو
” الليل” بعقبو” نهار
وكل زولا” بيمشي” ويفوت”
بخلف” بعدو بس تذكار
و كل الناس لرب الكون
مصيرها” الجنه او للنار”
ونفس القصه عدناها”
وعمي الزين رجع تاني
زرع” في ارضو” ام باسه،
ضاق، الوجعه جد قاسه”
إلا الفزعة ، ماكاسه
وبرضو كرامتو” ماداسه”
خاينه، الدنيا جد والله،
إلا العفه” بناسه”
وتم” الحول وعمي الزين
ساكت بس ” و اصلو ماجاط”
راجي ” الزرعو” شان يحصد
” عسى” ولعلى” ينسى الفات”
وفي نفس الوقت زاتو”
يمكن بس فرق ساعات
ايييييييييييييييييييك
” امانه” تشوف جنس” حاجات ؟؟؟؟؟؟
حريم ضاجات” وصوت حاجاااااات
ناس فى رصيده” مليارااااات”
سفير ووزير” حرس غابات
وانا اقول الشمس مالها
انا اقول الشمس مالها
“تقول ياربي مابتغيب
وغايبين” نحن في ذاتنا
“كان سألونا” مابنجيب”
“وماجايبين” خبر لشي”
ناس ايامها” قول ووشي”
وناس هاميها” بس تمشي”
وماشين” والزمن ماشي”
هو كان نوصل
ونوصل” وين ؟؟؟؟؟؟
نوصل وين
اذا كان الفساد” سائد”
وماعارفين” أصول الدين
شوارع فيها” ناس بتئن”
وما اطعمنا، يوم مسكين ”
وماسكين” حقنا وقاعدين”
وسكين” الوجع” تنحر”
ناس والله غلبانين”
وساكين” نحن في الزايله””
وسكتنا” البقولو ” الحق
بقت سكتنا، جد مايله
ناندي بت هندسة
