الرئيسية الأدب عرس السودان

عرس السودان

بواسطة هيام الأسد
نشر اخر تحديث 226 مشاهدات

بقلم:هيام الأسد قدم الخير

وطن جوانا باقي علم…
وطن بشبه ملامحنا ..
مرسوم في وجوهنا رسم..
وطن مهما علينا يجور ومهما فيهو نتالم
بيفضل برضو في قلوبنا..
ونفضل فيهو نتعشم..
يعود من تاني شجرة ريد تحت ضلو الوريف ننجم..

وطن ممتد فرح جوانا مادايرنو يتقسم
ومادايرين نعيش اغراب ونحنا قراب
بعد ماكنا بي وحدتنا لي كل الشعوب معْلَم..
وما دايرين يقوموا ولادنا..
يلقو الوحدة جوة بلادنا
صبحت ذكري في تاريخنا نحن عليها نتندم..
ومادايرين نشد..عقد الوداد البينا يتفرّط
عقاب حباتنا يتشتت
علي البلدان..
نلوك الغربة زي علقم..
دي أرضاً ماها أرضك
مهما تزرعا صي
وبلدا ما كا جاي من طينا
قاسية عليك ومابترحم..

تعالوا تعالوا يا جنياتو..يا اولادوا في حوشو الوسيع نتلم..
نمد الايد ونتسالم..ونتعاهد ونتكالم
يكون تعميرو بس هو الهم..
شمالي..جنوبي
شرقي وغربي
زنجى وعربي لا بتفيد ولا بتهم..
مادام بيلمنا السودان ونيلو بيجري فينا الدم.-

ربما يعجبك أيضا

اترك تعليقا

5 × أربعة =