قلب الورود

بواسطة مجلة السودان
159 مشاهدات

قلبك حبيبك أغلي شئ أديه للبستاهلواا

لبقدر يصونه ويحفظوا

اديه لي زولا ملاك يعرف مكانته يقدره

اصلو الاصيل دايما أصيل
ذي الدهب في معدنوا
طيبة القلوب في جوهره
قلبك دهب طبعوا السماح
محتارة جد كيف اوصفوا
مليان حنان طيبه وأمان
قبلة سلام للبقصده
قلبك قلب زولا ملاك ضامي الجميع بي رحمته
ذي العصافير الصغار الكل سعيد بي رفقته
قلب الحمام قلب الورود
فايح شذاه وعنبره

قلب النخيل شامخ رفيع بي عزته
قلب الصغار قلب الكبار
كل القلوب في نبضته

بالحب دوام بهدي الوجود
شايل الفرح وبوزعوا
قلبا عفيف جواه نور افواه بشر مابتطفأو

جد إنت ما بتستاهلوا

القاصد دماره ومقتلوا

ماتنسي رب الكون كريم
زاد في سماحه وقوته

ما الله مابرضي الظلم

مهما يطول بيك الظلم تمن الظلم حاتدفعوا

خليك دايما يا قلب
قلبا سمح في عشرته

قلبا رحيم في قسوته

قلبا يشيل أفراح قليبوا يهديها للبستغفلوا
يرفع وكيله لي ربنا صافي ومبيض نيتوا
قلبا يقول ما مشكلة
الدنيا أيام بكملوا
والآخرة جد دار البقاء لي الله دايما دعوته
طالب السلام في آخرته
ومناه في جنة عدن
مستقره ومرقده

 

هادية سليمان

ربما يعجبك أيضا

اترك تعليقا