هزار الشوق

بواسطة مجلة السودان
363 مشاهدات

ياهزار  الشوق  غني  وأطربني

لي حبيب   جافي  بعده   عذبني

ديمة   بطراهو  شوقي بغلبني

مابقدر   استني  وده المقلقني

????????????

 ياهزار  الشوق:

 قوليهو  يرجع لي يسمع  أناتي

 يشتل   الأفراح في  عويناتي

يروي  شتلاتا  من   حناناتي

سهرانه   بالأشواق  كل نجيماتي

بس   مناها  يعود لي مداراتي

لي  ربنا   القادر كل صلواتي

 إن شاء الله   يرجع يوم،  لي  الله دعواتي

ألقاهو  بس   طيب   تسعد مساءاتي

أقضي  العمر   جنبو  و أهديهو ساعاتي

  الليل   علي  طويل   عازم  مواساتي

  وحبيبي   جافاني  وفارق ملاقاتي

  يرجع  يعود   لي   وتشرق صباحاتي

  أهديهو   ورود   خدي وأعزف لي ضحكاتي

  يسمع   هزار   شوقي  وتجف دميعاتي

غنت   قماري  الريد  وصفت  معاناتي

  تحكيلو    عن  شوقي وكل آهاتي

????????????

ياهزار  الشوق  قوليهو يرجع  لي

 قالوا   متألم   إن شاء الله    يسلم  لي

 أبقي  في   قربوا  الحنين فاض   بي

إن   شاء الله   بس    تسلم     ويعود   حنانك لي

????????????

  ياهزار الشوق  قول  ليه  زاد بعدك

والقليب  مشغول مشتهين    قربك

يلا سامحنا  مايطول   حربك

نحنا   مشتاقين   لي  حنين  حبك

????????????

 ياهزار الشوق  لو  نسي أنساهو

 أهجر أعشاشوا  وجافي دنياهو

قوليهوا    حانسي وما بنطراهو

ماتطير في سماه وما تناديهو

خلي   يتغرب  في   مآسيهو

 تاني   لو    عاد   ليك ما تعافيهو

خلي يتغرب وانسي  ذكراهو

أصلوا  بدلل   والغرور  جاهو

 مالك   احساسنا  وإن نسا أنساهو

????????????

 ياهزار  الشوق  غني وأطربني

 لي  حبيب  جافي بعده   عذبني

ديمه  بطراه شوقي    بغلبني

مابقدر استني   وده    المقلقني

هادية سليمان

ربما يعجبك أيضا

اترك تعليقا

10 − ثمانية =